
Од СДСМ реагираат на претходните изјави на премиерот Христијан Мицкоски за заемот од јавните претпријатија, нагласувајќи дека поднесените кривични пријави за М-НАВ го демантираат тврдењето дека таквите позајмици се нормални.
Според партиското соопштение, со давањето позајмица од М-НАВ кон Јавното претпријатие за државни патишта средствата собрани од авиокомпаниите биле пренаменети надвор од рамките на ратификуваниот меѓународен договор, што претставува директно кршење на законот.
Финансиска корекција и намалување на буџетот на М-НАВ
Од СДСМ наведуваат дека со ова е создаден вештачки одлив на средства во висина од 7 милиони евра, кој при редовна ревизија од Еуроконтрол ќе биде квалификуван како неприфатлив трошок.
„Како резултат, Еуроконтрол ќе изврши финансиска корекција на одобрената тарифа, а буџетот на М-НАВ ќе биде намален за износот на неправилно потрошените средства“, соопштуваат од опозициската партија, додавајќи дека ваквите дејствија ја потврдуваат неоснованоста на владините тврдења.
