Најмалку 111 лица загинаа, а десетици се повредени во силниот земјотрес со јачина од 7,4 степени што ја погоди западна Колумбија, што според официјалните претставници е најсилниот потрес регистриран во земјата во изминатата деценија. Епицентарот на земјотресот бил лоциран во Сан Хосе дел Палмар, во северозападниот департман Чоко, на околу 240 километри западно од главниот град Богота, објави Си-Ен-Ен.
(Вознемирувачки видео снимки)
WILD FOOTAGE: Building collapses in downtown Pereira, Colombia, as crowds flee Plaza Bolívar during the 7.4 magnitude earthquake. pic.twitter.com/kBdCsrS3CA
— Open Source Intel (@Osint613) August 10, 2026
Колумбискиот претседател Абелардо де ла Есприела соопшти дека покрај загинатите, најмалку 87 лица се повредени, 61 зграда е урната, а 1.575 домови се оштетени. Владата прогласи состојба на национална катастрофа, при што војници се распоредуваат во погодените области низ земјата за да помогнат во спасувачките операции. Тресењето силно се почувствувало и во главниот град, каде се вклучиле алармите, а луѓето се евакуирале на улиците како мерка на претпазливост. Директорот на весникот „Сити пејпер Богота“, Ричард Емблин, истакна дека ова е „навистина тежок повик за будење за Колумбијците“, додавајќи дека градот веднаш го активирал системот за итни случаи со сирени и амбулантни возила кои излегле на улиците.
OMG, this is terrifying. Footage showing the shaking from the M7.2 earthquake that hit Colombia earlier.
👀 Watch until the end.
📍 Pereirapic.twitter.com/vS2slBg53X
— Volcaholic 🌋 (@volcaholic1) August 10, 2026
Во третиот по големина колумбиски град, Кали, забележани се сцени на огромно разорување. Соработникот на Си-Ен-Ен, Вилсон Барко, кој се засолнил во бањата со своето семејство за време на потресот, го опиша искуството во својот стан како „навистина интензивно“.
Six airports across Colombia have suspended commercial flights following todays powerful M7.4 earthquake.
Authorities are checking airport infrastructure for damage before flights can safely resume. pic.twitter.com/CLeHhpWUXr
— Volcaholic 🌋 (@volcaholic1) August 10, 2026
Една жителка на Кали за Ројтерс изјави дека добила предупредување на својот телефон и успеала навреме да ја напушти зградата заедно со сосед, но потенцираше дека „многу луѓе не успеале да го сторат тоа“. Таа посочи кон тешко оштетената соседна зграда велејќи дека веројатно ќе мора да биде урната и нагласи дека ова претставува повик за заедницата да се здружи и да ги решава овие ситуации кои можат да се случат во секој момент. Според Емблин, бројот на урнати објекти во Кали може да биде многу поголем поради неформалната градба во сиромашните населби, а на настраданите итно им е потребна прва помош во болниците, како и донации на крв и храна.
A construction site in Bogotá, Colombia, shakes violently as a powerful 7.4 magnitude earthquake strikes the country pic.twitter.com/hU9Js9GTc8
— Surajit (@surajit_ghosh2) August 10, 2026
Поп ѕвездата Шакира преку социјалните мрежи испрати порака за поддршка до својата татковина. Таа напиша дека нејзиното срце е со сите што го почувствувале земјотресот и со семејствата кои минуваат низ моменти на болка. Во својата објава Шакира порача дека во вакви времиња Колумбијците знаат како да се здружат и да се поддржат еден со друг, испраќајќи ја целата своја сила и љубов за татковината со апел граѓаните да ги следат упатствата за да можат што побрзо да помогнат.
Редакција Брц





