АРТВЕСТИ

Галичник Филм Фестивал ја објави програмата за третата фестивалска вечер

По успешното отворање на седмото издание под отворено небо, организаторите на „Галичник Филм Фестивал 2026“ ја најавија програмата за третата фестивалска вечер, која ќе понуди шест краткометражни остварувања од домашни и странски автори.

Успешен почеток на филмската приказна

Првиот фестивалски ден помина во знакот на филмот и средбите, при што публиката, авторите и љубителите на седмата уметност повторно ја претворија планината во мало филмско срце. Организаторите изразија благодарност до присутните за успешната вечер и најавија продолжување на настанот со нови филмски светови и силни авторски гласови.

Програма за третата вечер

За вечерашната, трета фестивалска програма, најавени се приказни кои ќе ја насмеат, замислат и трогнат публиката. На репертоарот се наоѓаат шест меѓународни и домашни филмови:

„Сами, кој можеше да си ги одвои деловите од телото“ – во режија на Реин Мејчелсон (Индонезија)

„Гаражата е моја!“ – од Владимир Сухов (Русија)

„Самса“ – на Џанпјеро Пумо (Италија)

„Актерот“ – во режија на Дамјан Козоле (Словенија)

„Мала шега“ – од македонскиот режисер Трифун Ситниковски (копродукција меѓу Македонија и Хрватска)

„Просветление!“ – од Павел Модзелевски (Полска)

Back to top button