ВЕСТИСВЕТ

Гори клучен саудиски нафтов по напад од Хутите кои освоија и стратешки остров во Црвеното Море

Сателитските снимки покажуваат густ чад во близина на клучниот саудиски нафтовод Исток-Запад, додека јеменските Хути го освоија стратешкиот остров Перим во теснецот Баб ел-Мандеб, како и крајбрежниот град Дубаб, пренесува „Индипендент“.

Нападите со дронови врз саудискиот нафтовод биле лансирани од територијата на Ирак, што го потврди и ирачката влада најавувајќи понатамошна истрага. Како одговор на инцидентот, ирачкиот премиер го разреши командантот на операциите во провинцијата Мејсан (од каде што потекнувал нападот), додека властите ги затворија клучните гранични премини со Иран, Шаламчех и Чазабех. Саудиска Арабија привремено го затвори нафтоводот како мерка на претпазливост.

Овие случувања се закануваат со дополнителен хаос во глобалната испорака на енергенси, при што цената на нафтата достигна 108 долари за барел за првпат од мај, откако Хутите го зазедоа и стратешкиот јеменски пристанишен град Мока. Саудиска Арабија, најголемиот светски извозник на нафта, целосно се потпира на рутата низ Црвеното Море откако конфликтот со Иран ефективно го затвори Ормускиот Теснец, низ кој вообичаено минуваше една петтина од глобалната нафта.

Во меѓувреме, американскиот претседател Доналд Трамп изјави дека не жали за војната со Иран, но тврди дека конфликтот „наскоро ќе заврши“ и дека Хутите наводно ги контактирале САД бидејќи не сакаат да војуваат со нив.

Паралелно со овие настани, американските власти обвинуваат дека кинески ентитети можеби му доставиле на Иран сателитски снимки од американската база во Јордан пред смртоносниот напад во јули, додека технолошката компанија Anthropic објави дека Хутите неуспешно се обиделе да го искористат нивниот АИ-четбот Claude за да развијат напредни проектили.

Back to top button