АРТВЕСТИПОЛИТИКА

СДСМ: Куршумли ан пропаѓа, Министерството за култура да го раскине договорот ако не се почитуваат обврските

Комисијата за култура на СДСМ обвинува за сериозна негрижа кон Куршумли ан, едно од најзначајните културно-историски добра во Скопје, посочувајќи дека објектот е оставен да пропаѓа. Од партијата потсетуваат дека со меѓувладин договор, овој споменик на културата ѝ е даден на Република Турција на користење за потребите на Турскиот културен центар „Јунус Емре“, при што договорот строго предвидува обврски поврзани со негова реставрација и заштита.

Опозицијата прашува кој го контролира спроведувањето на договорот и кој се грижи за македонското културно наследство. Тие апелираат до Министерството за култура и туризам да не биде нем набљудувач додека културно добро од прв ред ја губи својата состојба и достоинство и веднаш да изврши стручен и правен надзор.

Доколку надзорот утврди дека преземените договорни обврски не се исполнуваат, од СДСМ бараат итно активирање на механизмите за прекин на правото на користење. Нивното барање е Куршумли ан веднаш да биде вратен под непосредна грижа и управување на соодветна македонска јавна институција, потенцирајќи дека културното наследство не смее да биде предмет за политички договори без одговорност

Back to top button