ВЕСТИСКОПЈЕ

Во „Скопје сити мол“ започнува тридневниот есенски базар на ракотворби „Обоена есен, рачно создадена“

Од 16 до 18 октомври во „Скопје сити мол“ ќе се одржи есенскиот базар „Обоена есен, рачно создадена“, на кој ќе учествуваат 26 домашни ракотворци и креативни брендови.

На приземјето во трговскиот центар „Скопје сити мол“ од утре, 16 октомври, започнува тридневниот есенски базар насловен „Обоена есен, рачно создадена“, на кој до 18 октомври ќе се претстават 26 современи домашни ракотворци и локални креативни брендови, информираат организаторите.

Според најавата за настанот, посетителите во текот на трите дена ќе имаат можност да се запознаат со уникатни рачно изработени производи создадени во мали серии. На базарот ќе бидат изложени модерен накит, современ филигран, изработки од епоксидна смола и полимерна глина, рачно насликана керамика, како и производи од кожа, дрво и природни материјали. Понудата ќе биде дополнета со органска козметика, миризливи свеќи, декупаж, декоративни предмети за домот, уметнички дела и детски рачни изработки.

Меѓу учесниците кои ќе ги претстават своите производи се брендовите и креативните студија „GAIA“, „БУВ“, „PURE BEAUTY by Emma“, „Forest Stories“, „SIRA Leather“, „Solar Creations“, „Zen.Zeal“, „Epoxy Handmade by Clay“, „Филигран од срма Софија“, „Crochet by Frosi“, „Игнеа козметика“, „Декупаж катче“, „Монкдолс“, „Јуник Корнер“, „Добро ми стои“, „Filigree LARGO“, „Еко восочни обвивки“, „Marcy_s_handmade“, „Шарено ќоше“, „Julie Decoupage“, „Ignis Creative“, „Витрум Студио“, „Custom Cakes by B“, „Јордан WoodWorkers“, „Тилиа органика“ и „Фантаст уметничко студио“.

Организаторите посочуваат дека целта на ваквите тематски базари е да се претстави разновидноста на домашната креативна сцена и да им се даде простор и поддршка на локалните ракотворци и малите брендови за нивната работа да стигне до пошироката публика.

Back to top button