ВЕСТИИМПУЛССЦЕНА
Во тренд

„Дипломатка“ се врати на Нетфликс со совршени 100% на „Ротен томатос“

Четвртата сезона од популарниот политички трилер „Дипломатка“ на Нетфликс стартуваше со 100% позитивни критики на „Ротен томатос“.

Политичкиот трилер „Дипломатка“ (The Diplomat) со Кери Расел во главната улога се врати на Нетфликс со својата четврта сезона, бележејќи совршен рејтинг од 100 проценти позитивни критики на платформата „Ротен томатос“, објави американски „Форбс“.

Серијата важи за еден од ретките проекти на стриминг-платформата што успева да задржи конзистентно годишно темпо на премиери без долго чекање меѓу сезоните. Претходната, трета сезона освои седум номинации за престижните телевизиски награди Еми, вклучително за најдобра драма и за главна женска улога за Кери Расел, додека Алисон Џени ја понесе наградата за најдобра споредна женска улога.

Според филмските критичари, новата сезона го задржува високиот квалитет на серијата, што го потврдуваат и претходните оцени каде третата сезона имаше 97%, а втората 95% позитивни рецензии. Финалната епизода од четвртата сезона, насловена „Воени бродови“ (Warships), на платформата IMDb веќе бележи исклучително висока просечна оцена од 9,6 од 10, што е најдобар резултат за поединечна епизода во целата серија. Иако Нетфликс сè уште официјално нема објавено продолжение за петта сезона, одличните критики и високата гледаност отвораат сигурен пат за продолжување на приказната.

Back to top button