ВЕСТИСПОРТ

Ник Кирјос се враќа на терените по едномесечна суспензија за користење кокаин

Австралискиот тенисер Ник Кирјос доби зелено светло да им се врати на тениските натпреварувања, откако му истече едномесечната суспензија поради користење на кокаин. Суспензијата е укината откако беше утврдено дека прекршокот се случил надвор од натпреварувачкиот период, со што се отвора патот за негов итен камбек на терените, пренесуваат светските спортски медиуми.

Кирјос падна на допинг-тест за време на АТП турнирот во Мајорка во јуни оваа година. Според правилата на Светската антидопинг агенција (ВАДА), тој првично се соочуваше со стандардна тримесечна суспензија. Сепак, казната му беше намалена на еден месец бидејќи 31-годишниот тенисер веднаш ја прифати вината и се согласи да влезе во одобрена програма за рехабилитација.

Меѓународната агенција за интегритет во тенисот (ИТИА) го уважи објаснувањето, потврдено од независен научен експерт, дека присуството на кокаин во неговиот организам е резултат на социјално користење за време на ноќно излегување, пред да настапи на турнирот во Мајорка.

Неговата привремена суспензија почна на 4 август и официјално заврши на 3 септември 2026 година. Покрај забраната за настап, тој остана и без освоените парични награди и ранкинг-поени од турнирот во Шпанија. Самиот Кирјос претходно објави дека направил „огромна грешка“ и јавно им се извини на семејството, фановите и на спонзорите.

Back to top button