АРТВЕСТИСЦЕНАТРЕНД

Филмот на Срѓан Јаниќијевиќ „Нема да ви се верува што се случи претходно“ со светска премиера на фестивалот во Олденбург

Македонската кинематографија бележи уште еден значаен меѓународен успех. Дебитантското долгометражно остварување на режисерот Срѓан Јаниќијевиќ, насловено „Нема да ви се верува што се случи претходно“, е избрано во официјалната конкуренција на Меѓународниот филмски фестивал во Олденбург, Германија.

Овој фестивал важи за еден од најпрестижните европски настани за независен филм, поради што во филмските кругови е познат и под прекарот „европскиот Санденс“.

Трка за награди со актерски тандем од прва класа

Филмот ќе се бори за фестивалските трофеи во периодот од 16 до 20 септември, каде што ќе го има своето прво прикажување пред меѓународната публика и филмските критичари.

Главните улоги во ова остварување ги толкуваат актерите Никола Ристановски и Дарја Ризова, тандем кој важи за еден од најуспешните на македонската сцена.

Продукциски тимови зад проектот

Филмот е финансиски поддржан од Агенцијата за филм на Република Северна Македонија. Како извршен продуцент на проектот се потпишува Сашо Пешев, а реализацијата е во продукција на „Ново македонско видео“ и „Њу момент“.

Back to top button