
Силно невреме со торнада ја погоди западна Сицилија, предизвикувајќи материјална штета, оштетувања на објекти и нарушувања во сообраќајот. Најпогодени се Марсала, Петросино и околните населени места.
Според извештаите на италијанските медиуми, две воздушни вртложни колони се формирале над морето во близина на Марсала, по што се придвижиле кон копното. Силниот ветер превртувал автомобили, соборувал дрвја и електрични столбови и оштетувал згради.
❗Video di Davide Bianco, per “Weather Sicily, della situazione a Marsala.
Pesanti danni alle auto oltre a tetti scoperchiati. Segnalati anche feriti a seguito dei tornado/trombe d’aria. https://t.co/pfM6NN9yiK
— Italia 24H Live 🔴 – Notizie dall’Italia (@Italia24HLive) October 9, 2026
Меѓу оштетените објекти е и училиште во кое биле евакуирани околу 300 ученици. Според првичните информации, осум ученици се здобиле со полесни повреди, додека двајца возачи биле пренесени во болница на прегледи.
Terrifying footage of a violent tornado ripping through the city of Marsala in Sicily, Italy earlier this morning. Heavy damage reported in the area. https://t.co/Wg9JNFS9pg
— Nahel Belgherze (@WxNB_) October 9, 2026
Невремето предизвикало и проблеми во патниот и железничкиот сообраќај, а службите за итни интервенции биле ангажирани на повеќе локации за отстранување на последиците.
Италијанските служби за цивилна заштита предупредија на опасност од нови врнежи, грмотевици и силни налети на ветер во делови од Сицилија.






