
Украинскиот претседател Володимир Зеленски ја обвини Русија дека целосно го игнорира таканаречениот „енергетски прекин на огнот“ што го објави американскиот претседател Доналд Трамп, истакнувајќи дека официјален Киев воопшто не бил консултиран за наводниот договор и за него разбрал исклучиво преку медиумите, пренесува европскиот сервис „Јуроњуз“ од Безбедносниот форум во Варшава.
Американскиот претседател претходно утринава преку објава на платформата „Truth Social“ соопшти дека Русија и Украина постигнале договор за итен „енергетски прекин на огнот“. Според објавата која ја пренесоа американските медиуми, Трамп истакна дека одлуката стапува на сила веднаш, порачувајќи им на двете страни да не го прекршуваат договорот, без притоа да наведе дополнителни детали. Во првичната реакција за порталот „Аксиос“, Зеленски посочи дека веста за примирјето е „нова информација“ за Киев, но додаде дека Украина е подготвена да го прифати договорот доколку претседателот Трамп навистина го договорил тоа со рускиот претседател Владимир Путин.
Зеленски во своето обраќање пред меѓународните претставници во Полска нагласи дека од Москва нема никаква јавна поддршка за таквиот прекин на огнот, ниту пак запирање на нападите врз украинската енергетска мрежа. Тој посочи дека токму во моментите кога Трамп ја објавуваше веста на својата социјална мрежа „Truth Social“, голем дел од Киев бил без струја и вода поради претходни руски гранатирања, по што уследил нов целен напад врз електрана во Харков, погон за производство на гас и бензинска пумпа, иронично коментирајќи дека рускиот претседател Владимир Путин очигледно не ги чита објавите на Трамп.
Today, there was a statement from the President of the United States that an energy ceasefire has been secured. This is good news for everyone – and it is important that it become reality.
Unfortunately, Ukrainian skies have been infested with Russian “shaheds” all day today. There have been glide bomb strikes and strikes on our energy infrastructure too. A power plant in Kharkiv was attacked this evening.
Overall, this past week alone, the Russians have carried out more than 200 strikes on our electricity generation and transmission facilities in Ukraine, and another 17 strikes this week targeted gas and oil facilities. They have killed more than 150 of our people, and more than 700 people have been wounded.
Ukraine has proposed many de-escalatory steps. Putin had one answer to all of them – “nyet.” We do hope that he will finally say something to America, Ukraine, and the entire world that will lead to a real and dignified peace.
Ukraine wants peace. The question is whether Russia does. The Armed Forces of Ukraine have received all the appropriate orders. We are awaiting clear details of the dialogue between America and Russia – and we expect Putin to follow through on what President Trump said.
— Volodymyr Zelenskyy / Володимир Зеленський (@ZelenskyyUa) October 11, 2026
Украинскиот лидер појасни дека Киев и понатаму е подготвен за реципрочно запирање на ударите врз енергетската инфраструктура доколку Русија навистина се согласи на тоа, но подвлече дека Вашингтон мора да обезбеди реално почитување на договорот, а не еднострани попуштања. Зеленски остро се осврна и на одлуката на американското Министерство за финансии да ги олесни санкциите за извоз на руски дизел до април, предупредувајќи дека на Украина ѝ е потребен вистински американски притисок врз Москва, а не укинување на ограничувањата со што Кремљ добива свежи средства за продолжување на војната.
Одговарајќи на барањата на Трамп за одржување претседателски избори во Украина, Зеленски посочи дека организирањето гласање во моментов е физички невозможно поради непрекинатите деноноќни руски напади и потребата да се овозможи право на глас за повеќе од еден милион војници на фронтот. Сепак, тој упати директен предизвик до Трамп, порачувајќи дека доколку САД успеат со своето влијание врз Путин да издејствуваат целосен 60-дневен прекин на непријателствата, тој е подготвен да влезе во разговори со украинскиот парламент за законски и уставни измени со цел распишување избори.
Зеленски на форумот алармираше и дека украинските разузнавачки служби откриле серија руски планови за хибридни напади и дестабилизација на европските држави, повикувајќи ги сојузниците на будност и продолжување на воената поддршка за муниција за авионите Ф-16 и ПВО-системите. Тој апелираше до лидерите на Европската Унија да не дозволат паузи во преговорите за членство на Украина, нагласувајќи дека очекува отворање на четири преговарачки кластери до крајот на годината, со заклучок дека на Украина ѝ се потребни кредибилни безбедносни гаранции во реалноста, а не само виртуелни најави на социјалните мрежи.









